Friday, 20 April 2012

நீ வாழ்க..!!! காதலியே...!!!




காதலியே...!!!

உனக்கு திருமணமாமே..!!!
வாழ்த்துக்கள்..,

காளையன் கை பிடித்து
நீ என்னை கடந்து செல்வாய்..,
என் உயிரின்
நிழலான உன்
நினைவுகளை
நான்
என்ன செய்ய காதலியே ..?

உன் திருமண
அழைப்பிதழ் பார்த்தேன்
அருமை
நாம் தேர்வு செய்த
நம் திருமண அழைபிதழையே
தேர்வு செய்திருக்கிறாயே..
இன்னும் உன் மனதின் ஓரம்
நான் ஒட்டி இருக்கிறேன்
போலிருக்கிறது...,
அறுத்து எறிந்துவிடு...!


கைகோர்த்து கடலோடு
விளையாடி கவலை
மறந்த பொழுதுகள்
இனி...எப்போது.?
எப்போது என்ற கேள்வி ஏது..?
இனி கிடையாது..!!!

ஆனாலும்
உன் மனம் பிடித்தவனும்
உன் மனதிற்கு பிடித்தவனும்
பித்தன் நான்தானே...!!!

நீ எடுத்துவிட்ட
கோணல் வகுடில்தான்
இன்றும் தலை
வாரிக்கொண்டிருக்கிறேன்
நான்..!

நீ கொடுத்துவிட்டு போன
கோணல் வாழ்கையை மட்டும்
சரி செய்கிறேன்...!!!

நீ போன சோகத்தில்
புகைக்கவில்லை
குடிக்கவில்லை
நான்
பிணத்திற்கு எதற்கு
இவைகள்..???

நான் இறந்தால்
என்
முகம் பார்க்க வராதே
எனதருமை காதலியே..,
என் இறுதி ஊர்வலத்தில்
" மலர்கள் " வேண்டாம் என்று
பிரகடனப்படுத்தி இருக்கிறேன்...!!!

உன் குழதைக்கு
என் பெயர் வைக்காதே..!
உன் வீட்டு
நாய்க்கு வை
என் பெயரை...!!!
நாம் ஒன்றாக
இருந்தபோதும்
அப்படிதானே
இருந்தேன் நான்.!

ஒன்று மட்டும்
உண்மை..!
உன்னை போல்
காதலன் அல்லாது
பிறரை திருமணம்
செய்யும் பெண்கள்..!!!
முழு மனதோடு
செய்வதில்லை திருமணங்களை..!!!

காதலித்தவரை
திருமணம் செய்யாதோர்
இருக்கும் வரை...!

மெல்ல தமிழ் மட்டும்
இனி  சாகாது..!!
மெல்ல " தமிழ் பண்பாடு "..!!
இனி சாகும்..!!
மெல்ல " காதலும் "
இனி சாகும்..!!
என் காதலும்
" சாகட்டும் "...!!!
ஆனால் சாகாது
சாபமிட்டால்
சாவது அல்ல
" காதல் "...!!!

வாழ்க நீ
என்
வாழ்க்கைக்கு முன்னுரை
எழுதிய
நீ வாழ்க..!!!

                                        - இளையபாரதி











No comments:

Post a Comment